കേരള ദേവസ്വം റിക്രൂട്ട്‌മെന്റ് ബോര്‍ഡിന്റെ ഔദ്യോഗിക വെബ്‌സൈറ്റില്‍ (www.kdrb.kerala.gov.in) നല്‍കിയിട്ടുള്ള APPLY ONLINE എന്ന ലിങ്ക് മുഖേന ദേവജാലിക വെബ് പോര്‍ട്ടലില്‍ രജിസ്റ്റര്‍ ചെയ്യുവാനും അപേക്ഷ സമര്‍പ്പിക്കുവാനും സാധിക്കുന്നതാണ്.

ഉദ്യോഗാര്‍ത്ഥികളുടെ E-Mail ID ആയിരിക്കും ദേവജാലിക പോര്‍ട്ടലിന്റെ ലോഗിന്‍ ID. പാസ് വേഡ് തിരുത്തുന്നതിനായി candidate login പേജില്‍ പാസ് വേഡ് ടൈപ്പ് ചെയ്യുന്ന കോളത്തിന്റെ താഴെ നല്‍കിയിട്ടുള്ള ‘Forgot Password/Reset Password’ എന്ന ലിങ്കില്‍ ക്ലിക്ക് ചെയ്യേണ്ടതാണ്.

ദേവജാലിക പ്രൊഫൈലില്‍ നല്‍കുന്ന വിവരങ്ങള്‍ കൃത്യമായി പരിശോധിച്ചതിനുശേഷം മാത്രം നല്‍കുക. ദേവജാലിക പ്രൊഫൈല്‍ രജിസ്റ്റര്‍ ചെയ്തതിനുശേഷം ഉദ്യോഗാര്‍ത്ഥി അപേക്ഷയൊന്നും സമര്‍പ്പിക്കാത്ത പക്ഷം പ്രൊഫൈലിലെ വിവരങ്ങള്‍ ഉദ്യോഗാര്‍ത്ഥിക്ക് തന്നെ തിരുത്തുവാന്‍ സാധിക്കുന്നതാണ്. മറിച്ച് തെറ്റായ വിവരങ്ങള്‍ വെച്ച് ദേവജാലിക പ്രൊഫൈല്‍ മുഖേന അപേക്ഷ സമര്‍പ്പിച്ചിട്ടുള്ള ഉദ്യോഗാര്‍ത്ഥിക്ക് പ്രൊഫൈല്‍ തിരുത്തുന്നതിന് ആവശ്യമായ വിവരങ്ങള്‍ സഹിതം Profile Correction Form കേരള ദേവസ്വം റിക്രൂട്ട്‌മെന്റ് ബോര്‍ഡില്‍ സമര്‍പ്പിക്കേണ്ടതാണ്. ഫോറം കേരള ദേവസ്വം റിക്രൂട്ട്‌മെന്റ് ബോര്‍ഡിന്റെ ഔദ്യോഗിക വെബ്‌സൈറ്റിലെ DOWNLOADS – FORMS – DEVAJALIKA KDRB PROFILE CORRECTION FORMAT എന്ന ലിങ്കില്‍ ലഭ്യമാണ്.

കേരള ദേവസ്വം റിക്രൂട്ട്‌മെന്റ് ബോര്‍ഡ് പുറപ്പെടുവിക്കുന്ന വിജ്ഞാപനങ്ങള്‍ കേരള ദേവസ്വം റിക്രൂട്ട്‌മെന്റ് ബോര്‍ഡിന്റെ ഔദ്യോഗിക വെബ്‌സൈറ്റില്‍ പ്രസിദ്ധീകരിക്കുന്നതാണ്. കൂടാതെ വിജ്ഞാപനം സംബന്ധിച്ച് കേരളത്തില്‍ പ്രചാരമുള്ള ഒരു ഇംഗ്ലീഷ്, രണ്ട് മലയാള ദിനപത്രങ്ങളിലും പരസ്യങ്ങള്‍ പ്രസിദ്ധീകരിക്കാറുണ്ട്.

ഉദ്യോഗാര്‍ത്ഥികള്‍ ദേവജാലിക പ്രൊഫൈല്‍ മുഖേന അപേക്ഷ സമര്‍പ്പിക്കുന്നതിനായി അടച്ച അപേക്ഷാ ഫീസ് യാതൊരു കാരണവശാലും തിരികെ നല്‍കുന്നതല്ല.

അതാത് തസ്തികകളുടെ റാങ്ക് ലിസ്റ്റ് പ്രസിദ്ധീകരിച്ച് 30 ദിവസത്തിനകം നിശ്ചിത ഫീസ് ഒടുക്കി നിശ്ചിത ഫോര്‍മാറ്റില്‍ അപേക്ഷ സമര്‍പ്പിക്കാവുന്നതാണ്. അപേക്ഷ ഫോറങ്ങളുടെ മാതൃക കേരള ദേവസ്വം റിക്രൂട്ട്‌മെന്റ് ബോര്‍ഡിന്റെ ഔദ്യോഗിക വെബ്‌സൈറ്റില്‍ ലഭ്യമാണ്.